Bu sözləri bir zamanlar şou-biznesdəki müğənnilərin cangüdəni olaraq çalışan Emin Ağayev deyib.
"Birincilər" layihəsinə danışan Ağayev repçi Hüseyn Dəryaya qarşı bir yox, bir neçə dəfə sui-qəsd cəhdi edilib:
"Hüseynlə çalışdığım dövrlərdə iki tədbirlər zamanı iki-üç dəfə yaralanmışam. Hətta bir dəfə Bakı Dövlət Universitetində onun konserti var idi. Təşkilatçılar bu barədə daha yaxşı bilərlər. Hüseynə həmişə deyirdim ki, kütlənin arasına girmə. O camaatın arasına atlandı. Sonra biz gördük ki kütlənin arasında nəsə parıldayır. Oradan Hüseynə bıçaq atdılar. O bıçağı mən əlimlə saxladım. Əlimdə də hələ kəsik izi qalıb. İzdiham olduğundan o bıçağı kimin atdığını belə görmədik".
Xatırladaq ki, Hüseyn Dərya 2014-cü il martın 14-də gecə saat 23 radələrində keçirdiyi avtomobil qəzası zamanı dünyasını dəyişib. O, Bakıxanov qəsəbəsindəki qəbristanlıqda dəfn edilib.
