Əməkdar artist Aybəniz Haşımovanın qızı Aynişan Quliyeva ona təhqir yazan izləyicisini polisə verib.
Buna səbəb sosial şəbəkə istifadəçisinin ona təhqir yazması olub. Aynişan bildirib ki, son günlər instaqram səhifəsində ona çox sayda neqativ mesajlar yazılır:
"10 gündür səhifəmdə çox sayda neqativ mesaj və şərhlər görürəm. Onlardan birini seçdim və ərizə yazıb polisə şikayət etdim. Şəxsən tanış olmaq, dərdini bilmək istəyirəm. Beş il öncədə belə bir hadisə yaşanmışdı. Polis həmin şəxsi tapıb gətirmişdi. Görüş nəticəsində ağlayaraq fanatımız olduğunu dedi. Hətta hicablı, dindar bir qadın idi. Bu, tanımadığı insana ləkə yaxa bilər. Başa düşürəm, bu aralar biraz daha aktivəm, amma bunun sizi niyə narahat etdiyinin dərinliyinə kimi bilmək istəyirəm".
