Binəqədi rayonu Süleyman Sani Axundov küçəsində suyun verilməsində fasilə yaranıb.
Həmin küçədə yerləşən “Kristal Abşeron” şirkətinə məxsus binada səhər saatlarından içməli suyun verilməsi dayandırılıb. Bununla bağlı Cebhe.info-ya binanın bir qrup sakini müraciət edib.
Sakinlər isti yay günündə 6-7 saat suyun kəsildiyini bildiriblər. Binanın komendantı (MTK rəhbəri) sakinlərə problemin nədən qaynaqlandığını və nə zaman aradan qaldırılması ilə bağlı dəqiq cavab verməyib.
Bundan başqa, sakinlər adıçəkilən yaşayış ünvanında tez-tez qaz, işıq, internet və su probleminin yaşandığını qeyd ediblər.
