Qırmızı dənizdə İran Hərbi Dəniz Qüvvələri ilə bu ölkənin ticarət gəmisinə hücum edən dəniz quldurları arasında atışma baş verib.
Sulh.info.az xəbər verir ki, bu barədə İran Hərbi Dəniz Qüvvələrinin əməliyyatlar üzrə müavini Mustafa Tacəddini deyib.
O bildirib ki, “Camaran” esminesi ötən gecə ticarət gəmisindən hücum barədə xəbərdarlıq aldıqdan sonra hadisə yerinə gedib.
“Hücum edən qayıqlar və qüvvələrimiz arasında atışma baş verib. Nəticədə dəniz quldurlarının qayıqları hadisə yerindən uzaqlaşıb”, - o deyib.
Hadisə zamanı xəsarət alanların olmadığı bildirilir. (apa)
