Almaniyanın 3 aylıq təbii qaz ehtiyatı qalıb.
Sulh.info.az bildirir ki, ölkənin enerji tənzimləmə agentliyi olan Federal Şəbəkə Agentliyinin rəhbəri Klaus Müller bildirib ki, qaz ehtiyatları noyabr ayı üzrə hədəfin 95 faizini ödəyə bilər və Rusiya qaz axınını tamamilə kəsərsə, 2 - 2.5 aylıq qaz qalmış olacaq. Hazırda ehtiyatların 77%-nin dolu olduğu bildirilir.
Mueller, noyabr ayı üçün nəzərdə tutulan 95 faiz doluluq səviyyəsinə çatmağın "çətin olacağını" söyləyib.
O Rusiyanın Almaniyaya qaz daşıyan “Şimal axını” boru kəmərindən qaz axınını kəsməsinin Avropada uzun illərin ən pis enerji böhranına səbəb olduğunu deyib.
Bu həftə enerjinin artan qiymətini maliyyələşdirmək üçün istehlakçılara müvəqqəti vergi tətbiq ediləcəyi açıqlanıb, hökumət isə Rusiyadan göndərilən yüklərin azalması səbəbindən istehlakı azaltmağa çağırışlar edib.
Mueller, "Böhranın necə inkişaf edəcəyini bilmirik. İlk olaraq hansı istehlakçıların kəsintilərlə qarşılaşacağına dair bir dəqiqlik yoxdur. Biz şəffaf olmağa çalışırıq" deyib.
Mənbə: BBC
