Hadisə Fransanın Fresn kommunasında baş verib.
Lent.az-ın “Le Parisien” saytına istinadla xəbərinə görə, 23 yaşlı həbsxana nəzarətçisinin davranışı rəhbərlikdə şübhə doğurub və o, nəzarətə götürülüb.
Bundan sonra hadisə yerinə gələn polislər polietilen paketdə 200 qram heroin aşkar ediblər. Ardınca isə onun evində axtarış aparılıb. Evdən 35 qram həşiş qatranı, pul və güllə keçirməyən gödəkçə aşkar edilib.
Məhkəmənin qərarı ilə həbsxana nəzarətçisi barədə həbs qətimkan tədbiri seçilib.
