60 ölkədə aparılan araşdırmalar nəticəsində mütəxəssislər insan ömrü ilə bürclər arasında çox sıx əlaqə olduğunu üzə çıxarıb.
Sülh.info.az xarici mətbuata istinadən bürclərin ən az və çox yaşayanlarının statistikasını sizlərə təqdim edir:
Araşdırmalar nəticəsində buğa bürcü olan insanların daha uzun ömür sürdüyü məlum olub. Ən az yaşayan insanlar isə əqrəb bürcündən olanlardır.
Tədqiqatın nəticələrinə görə, uzun ömür cinsdən asılı olaraq da dəyişə bilər. Məsələn, kişilər arasında ən uzunömürlü bürclər buğa (81 yaş), ikinci yerdə qoç (79 yaş), ardınca əkizlər (78 yaş), oğlaq (77 yaş), qız (76 yaş), şir (74 yaş), tərəzi (73 yaş), balıqlar və dolça (71 yaş) gəlir.
Xərçəng, əqrəb və oxatan kişiləri 70 ildən az yaşayırlar.
Məlum olduğu kimi, qadınlar kişilərdən daha uzunömürlü olurlar. Bu səbəbdən də qadınlar üçün bürclərin uzunömürlülük sırası bir az fərqlidir.
Qadınlar arasında ən uzunömürlü bürclər bunlardır: buğa, əkizlər, qız və oğlaq.
Statistikaya görə, bu bürclərin qadınları adətən 80 ildən çox yaşayırlar. Digər bürclərdən olan qadınlar isə orta hesabla 70-80 il yaşayırlar. Bəxt burada da əqrəblərin üzünə gülmür. Belə ki, əqrəb bürcü altında olan qadınlar orta hesabla 63 il yaşayırlar.
Bəs, bürclər və yaşam müddəti necə kəsişir? Astroloqlar bu sualın da cavabını tapıblar. Belə ki, hər kəsin orqanizminin xəstəliklərə qarşı müdafiəsi və onlara meyli var. Ona görə də orqanizmin zəif tərəflərini bilməklə sağlamlığı qorumaq və ömrü uzatmaq olar.
Bürclərin zəif nöqtələrinə gəldikdə isə, qoçlarda adətən bu, stres və həddindən artıq fiziki yüklənmədir.(BAKU.WS)
Buğalarda piylənmə cinsi xəstəliklərə, o cümlədən qaraciyər və böyrəklərdə problemlərə gətirib çıxarır.
Çəkinin az olması Əkizlər üçün çox təhlükəlidir.
Xərçəngləri onkoloji xəstəliklər təhdid edir.
Qız bürcünün ən zəif nöqtəsi gözləridir.
Şirlər tez-tez bağırsaq xəstəliyindən əziyyət çəkirlər.
Tərəzilərə yüksək rütubət və soyuq yerlərdən uzaq durmaq tövsiyə olunur.
Stres Əqrəb bürclərinin sağlamlığında böyük problemlər yaradır. Əqrəb bürcü insanları ümumiyyətlə müalicə olunmaq istəmirlər.
Oxatan bürcləri revmatizmə daha çox məruz qalırlar.
Oğlaqlar ən çox oynaq problemləri ilə məşğul olurlar.
Dolça bürclərinin sağlamlığı üçün mühüm təhlükə mənbəyi spirtli içkilərdir.
Balıqlar üçün təhlükəli vəziyyətlər adətən onların su ilə əlaqəsindən qaynaqlanır. Astroloqların fikrincə, ulduzların, planetlərin və səma cisimlərinin hərəkətinə və yerləşməsinə baxaraq insan səhhətində mövcud problemləri oxumaq mümkündür.
