Ağstafa rayonu ərazisində 2004-cü ildə aşkarlanan meyitin şəxsiyyəti müəyyən edilib.
Bu barədə Baş Prokurorluğun Mətbuat xidmətindən məlumat verilib.
Ağstafa rayonu, Poylu kəndi ərazisində naməlum qadın meyitinin aşkar edilməsi faktı ilə bağlı Baş Prokurorluğun İstintaq idarəsində Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb və iş üzrə 1981-ci il təvəllüdlü Dursun Nəbiyev təqsirləndirilən şəxs qismində cəlb olunub.
İstintaq-əməliyyat tədbirləri ilə zərərçəkmişin Ağstafa rayon sakini 1973-cü il təvəllüdlü Brilyant Kosayeva olması müəyyən edilib.
İbtidai istintaq davam etdirilir.
Xatırladaq ki, Dursun Nəbiyev 2006-cı ildə 2 nəfəri qətlə yetirib və 16 il həbs cəzası alıb. O, 2022-ci ilin avqustunda azadlığa buraxılıb.