“Atam reanimasiyadadır, vəziyyəti stabil ağır olaraq qalır. Heç bir irəliləiş yoxdur. Həkimlər ümidverici bir söz demir…”
Bunu reanimasiyaya yerləşdirilən Xalq artisti Aftandil İsrafilovun səhhəti barədə danışarkən qızı Həcər İsrafilova Yenicag.az-a açıqlamasında deyib.
O, atasının aparata qoşulduğunu və yemək yemədiyini bildirib:
“Atamın yanına yalnız məni buraxırlar. Gedib baxıram, amma heç nə danışmır, ətrafa reaksiya vermir, məni tanımır. Aparata qoşulu vəziyyətdədir. Yemək də yemir, yalnız sistemlər qoşulub. Ağırdır…”
Qeyd edək ki, bir neçə ay öncə ciyərlərində və ürəyində problemlər yaranan Xalq artisti bir neçə gündür ki, reanimasiyaya yerləşdirilib.
