Tanınmış teatr və kino aktrisası, Səməd Vurğun adına Azərbaycan Dövlət Akademik Rus Dram Teatrının əməkdaşı, Əməkdar Artist Mələk Abaszadə artıq üçüncü aydır ki, differensiallaşmamış birləşdirici toxuma xəstəliyindən əziyyət çəkir.
Bu barədə Teatrın mətbuat xidmətindən “Trend”ə məlumat verilib.
Hal-hazırda xəstəlik sürətli kəskin inkişaf fazasına qədəm qoyub. Yekun diaqnoz və müvafiq müalicəni dəqiqləşdirmək üçün təcili təkrar müayinəyə ehtiyac yaranıb.
Hazırda aktrisanın vəziyyəti orta ağırdır.
