Lerik rayonunda ölüm və xəsarətlə nəticələnən yol-nəqliyyat hadisəsi baş verib.
Sulh.info.az Report-a istinadən xəbər verir ki, hadisə Lənkəran-Lerik yolunun 39-cu kilometrində qeydə alınıb.
Belə ki, minik avtomobili idarəetmədən çıxaraq dərəyə aşıb.
Qəza zamanı Lənkəran rayonunun Kərgəlan kənd sakini, 2004-cü il təvəllüdlü Rəvan Çingiz oğlu İbadzadə dünyasını dəyişib. Onun həmkəndliləri - sürücü, 1998-ci il təvəllüdlü Zəka Əfrahim oğlu Həmidovla 1999-cu il təvəllüdlü Amin İntiqam oğlu İbadov xəsarət alıblar.
Faktla bağlı araşdırma aparılır.
