Azərbaycandan göndərilən tibbi oksigenin ilk partiyası Rusiyanın Stavropol vilayətinə çatıb.
Bu barədə vilayətin qubernatoru Vladimir Vladimirov bildirib.
O qeyd edib ki, Azərbaycandan Rusiyaya tibbi oksigenin tədarükü ilə bağlı razılaşma həyata keçirilir.⠀
“Bir gün əvvəl rayona ilk partiya gəldi. Nevinnomısskda oksigen boşaldılıb, tibb müəssisələri arasında paylama artıq aparılır. İlk alanlar arasında Stavropolun 2-ci və 4-cü xəstəxanaları, İzobilnoye, Mineralnıye Vodı, Svetloqrad xəstəxanaları var”, - qubernator qeyd edib.⠀
“Qarşıda uzun Yeni il tətilləri var, buna görə də hər hansı bir fasilə ehtimalını istisna etmək üçün oksigen ehtiyatına sahib olmaq vacibdir. Bu iş xüsusi nəzarətdədir”, - Vladimirov əlavə edib.
