Mingəçevirdə partlayış nəticəsində dağıntılara məruz qalan evlərin sayı 17 - yə çatıb.
Hazırda şəhərin Günəşli qəsəbəsində evlərdən birində baş verən partlayış nəticəsində zərərçəkən yaşayış obyektlərinin sayı dəqiqləşdirilir. Aparılan araşdırma nəticəsində dağıntılara məruz qalan 17 evin olduğu məlum olub.
***
Mingəçevir Mənzil Kommunal Təsərrüfatı İstehsalat Birliyindən SÜLH.İNFO.az-a verilən məlumata görə, zərər görən 4 evdə təmir işləri aparılır. Dağıntılara məruz qalan digər ailələr isə müvəqqəti olaraq yaxınlarının evlərində məskunlaşıblar. Dağıntılar və zərər üzrə qiymətləndirmə aparılır və yekunları ilə bağlı zəruri addımlar atılacaq.(unikal.az)
