Dünyanın aparıcı kriptovalyutası - bitkoinin qiyməti ötən ilin iyulundan bu yana ilk dəfə olaraq 33 min ABŞ dollarından aşağı düşüb.
SÜLH.İNFO.az xəbər verir ki, kriptovalyuta son 24 saat ərzində 5,47 % ucuzlaşaraq 32,855 min ABŞ dollarına satılıb. Nəticədə onun kapitallaşması 628,79 milyard ABŞ dolları həddində qərarlaşıb.
Bazar kapitallaşmasına görə 2-ci pillədə qərarlaşan “Ethereum”un qiyməti isə son bir sutkada 7,38 % azalaraq 2,379 min ABŞ dolları olub. İlk onluqda qərarlaşan altkoinlərdən ən çox dəyər itirən “Cardano”dur.
Kriptovalyuta bazarının toplam dəyəri 1,501 trilyon ABŞ dollarına düşüb.
