​Bakıda iki yeni metrostansiyanın tikiləcəyi dəqiq ərazilər AÇIQLANDI

​Bakıda iki yeni metrostansiyanın tikiləcəyi dəqiq ərazilər
12:12 05.12.2022
589 Layihə
A- A+

Bakıda yeni 9 metrostansiya tikiləcək. Bu stansiyaların artıq ünvanları məlumdur. Bu stansiyaların 3-ü "Koroğlu" və "Dərnəgül" stansiyalarının arasında yerləşəcək.

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirib ki, xətlərin ayrılması layihəsi bir tərəfdən "Dərnəgül" stansiyasından sonra "Koroğlu" stansiyasına qədər 3 stansiyanın inşaasıdır.

"Bu istiqamətdə Ziya Bünyadov prospekti şəhərin ən çox tıxacı olan küçələrindən biridir. Həmin prospekt boyunca təxminən Böyükşor gölü üzərində inşa olunmuş yol infrastrukturuna yaxın olan bir sahədə, digəri isə "Taxta bazarı" adlanan ərazidə yerləşəcək. Bir sözlə Ziya Bünyadov prospektinin iki həlledici nöqtəsində inşa olunacaq.

Xətlər ayrıldıqdan sonra hər iki xəttə müstəqil qatarların hərəkəti təşkil olunacağından intervalın ən qısa müddətə salınması üçün "İçərişəhər" stansiyasından sonra bir və iki stansiya inşa olunacaq. Qatarlar stansiyanın arxasından bir yoldan digərinə keçərək rahat hərəkətini davam etdirəcək və minimal intervallar tətbiq etmək mümkün olacaq",-deyə Bəxtiyar Məmmədov əlavə edib.