"WhatsApp” istifadəçiləri uzun müddətdir ki, tətbiqdə göndərilən mesajların redaktə edilməsinə imkan verəcək dəyişikliyin edilməsini tələb edirlər. Meta tətbiqi bu funksiyanı bir müddət əvvəl betada sınaqdan keçirməyə başlayıb.
İlk dəfə 2.23.10.10 versiyasında peyda olan bu funksiya üzərində iş sürətlənib və istifadəçilərə bu funksiyanı yeni çıxan 2.23.10.13 beta versiyasında sınaqdan keçirmək imkanı təklif olunub.
"WhatsApp Web”in beta versiyasında əvvəllər sınaq üçün mövcud olan funksiya ilə həm çatlarda, həm də qruplarda mesajları redaktə etmək mümkündür.
Android üçün ekran görüntüsündə "Mesaj seçimlərini redaktə et" düyməsi göstərilir. Mesajın neçə dəfə redaktə edilə biləcəyi ilə bağlı heç bir məhdudiyyət yoxdur. Lakin bu funksiyadan mesaj göndərildiyi andan 15 dəqiqə ərzində istifadə oluna bilər. 16-cı dəqiqədə artıq mesajı redaktə etmək imkanı yoxdur.
Bəs niyə "WhatsApp" bu funksiyanı 15 dəqiqə ilə məhdudlaşdırdı?
WABetaInfo-nun məlumatına görə, "WhatsApp” bu funksiyanı yalnız yazı xətalarını düzəltmək üçün hazırlayıb. Buna görə də, 1 gün və ya daha çox müddətə redaktə etmək imkanı təklif etməyəcək. Digər tərəfdən, bu tənzimləmə yalnız mətn mesajları ilə məhdudlaşır. Digər mesaj növləri hələ dəstəklənmir.
Qeyd edək ki, "WhatsApp” hələ də bu funksiyanı sınaqdan keçirir və gələcəkdə bəzi şeyləri dəyişə bilər. /azxeber.com
