Azərbaycanın xarici işlər naziri Ceyhun Bayramov və türkiyəli həmkarı Mövlud Çavuşoğlu arasında telefon danışığı olub.
Bu barədə Türkiyənin XİN başçısı tviter hesabında məlumat paylaşıb.
Nazirlər Azərbaycan-Ermənistan sərhədindəki son vəziyyəti müzakirə ediblər. Çavuşoğlu Ermənistanı təxribatlardan çəkinməyə çağırıb.
Xatırladaq ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib.
