Xaçmazda avtomobil piyadaları vuraraq xəsarət yetirib
Report un Şimal bürosunun xəbərinə görə, hadisə Bakı prospektində baş verib.
Belə ki, rayonun Şollar kənd sakinləri - 1988-ci il təvəllüdlü Əmirxanova Ülviyyə Ələkbər qızı və 2016-ci il təvəllüdlü Əmirxanova Zəhra Elşad qızı yolu keçərkən avtomobil onları vurub.
Yaralılar sakinlərin köməkliyi ilə Xaçmaz Rayon Mərkəzi Xəstəxanasına çatdırılıblar.
Piyadaları vuran sürücünün kimliyi hələ məlum deyil.
Faktla bağlı araşdırma aparılır.
