Saatlı rayon İcra Hakimiyyətinin əməkdaşı iş otağında ölmüş halda aşkar edilib.
Apa-nın Mil-Muğan bürosu xəbər verir ki, Saatlı İcra Hakimiyyətində ictimai-siyasi və humanitar məsələlər şöbəsinin baş məsləhətçisi işləyən rayonun Telmankənd kənd sakini, 1987-ci il təvəllüdlü Əhəd Cavanəli oğlu Behbudovun İH-də iş otağında meyiti tapılıb.
Onun sentyabrın 16-dan telefon zənglərinə cavab vermədiyi bildirilir.
Ölümün səbəbi araşdırılır.
Faktla bağlı Saatlı prokurorluğunda araşdırma başlayıb.
