Fransanın hərbi büdcəsi 2023-cü ildə təxminən 44 milyard avroya çatacaq.
SÜLH.İNFO.az xəbər verir ki, bu barədə Fransanın Silahlı Qüvvələr Nazirliyi yayımladığı kommunikedə bildirib.
“2023-cü ildə Fransa ordusunun büdcəsi ardıcıl altıncı dəfə artırılaraq 43,9 milyard avro təşkil edəcək”, - məlumatda deyilir. Nazirlikdən qeyd olunub ki, bununla da Silahlı Qüvvələrə ayrılan vəsait 2022-ci illə müqayisədə 3 milyard artacaq.
Məlumatda vurğulanır ki, hazırda Fransada 2024-2030-cu illər üçün Silahlı Qüvvələrin və silahların inkişaf etdirilməsi üzrə yeni proqram hazırlanır. Layihə dekabr ayından gec olmayaraq parlamentə təqdim olunacaq.
