Əfqanıstanda siyasi hakimiyyətdə olan “Taliban” hərəkatı qızların ixtisas seçiminə məhdudiyyətlər qoyulacağını açıqlayıb.
“Taliban”ın Ali Təhsil Nazirliyinin sözçüsü Əhməd Təqi bildirib ki, artıq məhdudiyyətlər universitetlərə oktyabrın 5-7-də keçiriləcək qəbul imtahanlarında tətbiq edilməyə başlayacaq.
“Qızlar özlərinə və həmvətənlərinə fayda verə bilməyəcəkləri ixtisaslara buraxılmayacaqlar”, - deyə Əhməd Təqi vurğulayıb.
Lakin Əhməd Təqi qızlar üçün müəyyən edilmiş fakültələrin siyahısını açıqlamayıb.
