İspaniyanın nüfuzlu nəşrlərindən olan “Marca” "Qızıl top" mükafatı veriləcək futbolçuların adlarını açıqlayıb.
"Qızıl top"un sahibi "Real"ın və Fransa millisinin hücumçusu Kərim Benzema olacaq. Madrid təmsilçisindən Tibo Kurtuaya Lev Yaşinin adını daşıyan "ilin qapıçısı" mükafatı veriləcək. "İlin gənc futbolçusu" isə "Barselona"nın yarımmüdafiəçisi Qavi seçiləcək.
Qeyd edək ki, "Qızıl top" mükafatı geridə qalan ilin ən yaxşı futbolçusuna verilib. Mükafat üçün mərasim bu gün Bakı vaxtı ilə saat 22:30-da başlayacaq.
