ÜST ən təhlükəli 19 göbələk növünün siyahısını açıqlayıb.
ÜST-nin AMR (antikroblara qarşı müqavimət) əməkdaşı Hanan Balxi, "Bakteriyaların antimikrob müqaviməti pandemiyasının kölgəsindən yaranan göbələk infeksiyaları böyüyür və müalicələrə əvvəlkindən daha davamlı olur və bu, dünya miqyasında ictimai sağlamlıq probleminə çevrilir" – deyib.
Göbələk İnfeksiyaları üzrə Qlobal Fəaliyyət Fondu bildirib ki, hər il 300 milyondan çox insan ciddi göbələk infeksiyasına yoluxur və hər il 1 milyon 600 min insan ən çox yayılmış infeksiyalardan ölür.
25 milyon insan ölmək və ya görmə qabiliyyətini itirmək riski altındadır. Bütün dünyada insanlar zəiflədən göbələk xəstəliklərindən əziyyət çəkirlər. Göbələklər tənəffüs yollarını işğal edərək və sinir sisteminə, o cümlədən beyinə hücum edərək öldürürlər.
Məlumata əsasən, immuniteti zəifləmiş insanlar, xərçəngə görə kimyaterapiya keçirənlər və ya HİV/AİDS-dən müalicə alanlar invaziv göbələk infeksiyaları üçün ən böyük risk altındadırlar.
"Göbələk xəstəlikləri, xüsusən də invaziv olanlar getdikcə daha çox yayılır və onlar xüsusilə həssas, immuniteti zəif olan xəstələrə təsir edir".
ÜST, göbələk patogenlərinin müalicəsi və nəzarətində tədqiqat və inkişafa üstünlük vermək üçün qlobal xəbərdarlıq yayımlayıb.
"Hazırda Göbələk İnfeksiyaları bütün yoluxucu xəstəliklərin tədqiqi maliyyəsinin 1,5 faizindən azını alır" deyən təşkilat öz hesabatında göbələklərin həqiqi sağlamlıq yükünün bilinmədiyini irəli sürərək, " Əksər müalicə təlimatları məhdud sübut və ekspert rəyi ilə məlumatlandırılır" - əlavə edib.
Mənbə: Npr.org
