ABŞ-nin İqlim üzrə Xüsusi Nümayəndəsi Con Kerri bəyan edib ki, artıq iqlim böhranının təsirlərini inkar etmək mümkün deyil və çox gec olmadan bütün dünya karbon emissiyalarını sürətlə azaltmaq üçün əməkdaşlıq etməlidir.
O, bildirib ki, hazırda qlobal iqtisadiyyatın 65 faizinin qlobal orta temperatur artımı hədəfindən 1,5 dərəcə Selsi altında saxlanılması lazımdır:
“Problem ondadır ki, (qlobal) iqtisadiyyatın yalnız 65 faizi buna əməl edəcəksə, deməli bizim ciddi problemimiz var. Qalan 35 faiz (qlobal iqtisadiyyatın) əhəmiyyətli (emissiya hədəfi) artımı ilə masaya gəlməli olacaq”.
Hesablamalara görə, 2030-cu ilə qədər qlobal karbon emissiyalarının ən az 45 faiz azaldılması lazım olduğunu bildirən Kerri, “Biz bunu hələ də edə bilərik, dostlar. Əgər bütün dünyada bərpa olunan enerjinin tətbiqi kifayət qədər tez həyata keçirilə bilərsə, biz hələ də bunu edə bilərik” - deyib.
Kerri günəş və ya külək enerjisindən istifadənin kömür və digər fosil mənbələrdən əldə edilən elektrik enerjisindən daha ucuz başa gəldiyini vurğulayıb:
“Unutmayın ki, heç kim tarixən fosilin əsl dəyərini düzgün ölçməyib. Qlobal istiləşmə və iqlim dəyişikliyi varlığını hər gün daha aydın hiss etdirir. Bu gün dünyaya nəzər salsanız, demək olar ki, yaşadığımız dünya bundan sonrakı ilə müqayisədə ən yaxşısıdır. Gələcəkdə daha pis nəticələr olacaq. Bu, uşaqlarımıza və gələcək nəsillərimizə təqdim olunacaq çox acı bir irsdir lakin bunu dəyişdirməyin bir yolu var. Heç bir ölkə buna (qlobal karbon emissiyalarını azaltmaqla) təkbaşına nail ola bilməz. Qlobal karbon emissiya dərəcələrini daimi və sürətlə azaltmaq üçün Rusiya, Çin, Hindistan, Cənubi Afrika, Səudiyyə Ərəbistanı və Meksika kimi inkişaf etməkdə olan, böyük və dinamik iqtisadiyyatlar beynəlxalq əməkdaşlıqdan əmin olmalı və iqlim böhranı ilə mübarizədə öz yerlərini tutmalıdırlar”.
Mənbə: News.sky.com
