Niderlandın Moskvadakı səfiri Rusiya Xarici İşlər Nazirliyinə çağırılıb.
Bu il oktyabrın 20-də Britaniya kəşfiyyatının nümayəndəsi tərəfindən Rusiyanın Haaqadakı səfirliyinin hərbi attaşesinin məxfi əməkdaşlığa cəlb olunmasına cəhdlə bağlı səfirə kəskin etiraz bildirilib.
Söhbət zamanı vurğulanıb ki, bu cür təxribat xarakterli hərəkətlər yolverilməzdir, 1961-ci il Diplomatik münasibətlər haqqında Vyana Konvensiyasına ziddir və Rusiyanın xarici nümayəndəliklərinin normal fəaliyyətinə mane olur.
Rusiya tərəfi Niderland hakimiyyətini ikitərəfli münasibətlərin daha da pisləşməsinə gətirib çıxaran bu cür qeyri-dost hərəkətlərdən çəkinməyə çağırıb.
Mənbə: APA
