Azərbaycan Avtomobil Yolları Dövlət Agentliyi Bakının Suraxanı rayonunun Zığ qəsəbəsində İdris Süleymanov küçəsini təmir edir.
Bu barədə Agentlik məlumat yayıb.
Məlumata görə, uzunluğu 1 000, eni ortalama 6 metr olan adıçəkilən küçənin yenidənqurma işləri çərçivəsində yararsız qrunt qazılaraq çıxarılıb, əks-dolğu işləri, yeni yol yatağının və yolun profilə salınması işləri görülüb.
Hazırda ərazidə yeni asfalt-beton örtüyü döşənir, yeni yağış barmaqlıqları quraşdırılır, yeraltı kommunikasiya xətlərinin baxış qapaqları layihə hündürlüyünə qaldırılır.
Bu il rayon üzrə təmir olunan küçə və yolların ümumi uzunluğu 12,5 kilometr təşkil edir.
