​Ali Məhkəmə, Naxçıvan MR Ali Məhkəməsi və apellyasiya məhkəmələrinə yeni hakimlər təyin edilir

​Ali Məhkəmə, Naxçıvan MR Ali Məhkəməsi və apellyasiya məhkəmələrinə yeni hakimlər
12:40 23.12.2022
360 Ölkə
A- A+

Ali Məhkəmə, Naxçıvan Muxtar Respublikası Ali Məhkəməsi və apellyasiya instansiyası məhkəmələrinə yeni hakimlər təyin edilir.

Bu barədə layihələr Milli Məclisin bu gün keçirilən iclasında müzakirəyə çıxarılıb.

“Azərbaycan Respublikası Ali Məhkəməsi hakimlərinin təyin və azad edilməsi haqqında” layihəsinə əsasən, İsmayıl Kamil oğlu Xəlilov vəzifəsinin dəyişdirilməsi ilə əlaqədar Ali Məhkəmənin hakimi vəzifəsindən azad edilir. Eyni zamanda layihəyə görə, aşağıdakı apelyasiya instansiyası məhkəmələri hakimləri vəzifələrindən azad edilərək Ali Məhkəmənin hakimi təyin ediləcəklər:

- Xıdırov Əhliman Mehman oğlu – (Naxçıvan MR Ali Məhkəməsinin hakimi (Kommersiya Kollegiyasının sədri));

- Abdulov Rəşad Məhərrəm oğlu – Bakı Apellyasiya Məhkəməsinin hakimi;

- Babayev Zəki Baba oğlu - Bakı Apellyasiya Məhkəməsinin hakimi;

- Məmmədov Vidadi Məmməd oğlu - Bakı Apellyasiya Məhkəməsinin hakimi;

- Cəfərov Vidadi Cəfər oğlu – Sumqayıt Apellyasiya Məhkəməsinin hakimi (Cinayət Kollegiyasının sədri).

Naxçıvan Muxtar Respublikası Ali Məhkəməsi hakimlərinin təyin edilməsi haqqında” layihəsinə əsasən, İlqar Məhərrəm oğlu Mirzəyev səlahiyyət müddəti 2023-cü il yanvarın 2-də başa çatdığı üçün həmin tarixdən yenidən Naxçıvan Muxtar Respublikası Ali Məhkəməsinin hakimi təyin ediləcək. Aşağıdakı hakimlərin vəzifələrinin dəyişdirilməsi ilə əlaqədar Naxçıvan MR Ali Məhkəmənin hakimləri təyin ediləcəklər:

- Bəylərli Səxavət Şahhüseyn oğlu – Naxçıvan MR Ağır Cinayətlər Məhkəməsinin hakimi;

- Novruzov Səxavət Hüseyn oğlu – Naxçıvan MR İnzibati Məhkəməsinin hakimi.

Apellyasiya instansiyası məhkəmələrinə də yeni hakimlər təyin edilir. “Bakı Apellyasiya Məhkəməsi hakimlərinin təyin və azad edilməsi haqqında” layihəyə əsasən, hakimlik səlahiyyətinin müddəti 2023-cü il yanvarın 2-də başa çatan İlham Məmməd oğlu Cəfərov həmin tarixdən Bakı Apellyasiya Məhkəməsinin hakimi təyin ediləcək.

Aşağıdakı hakimlər vəzifələrinin dəyişdirilməsi ilə əlaqədar Bakı Apellyasiya Məhkəməsinin hakimləri təyin ediləcəklər:

- Allahverdiyev Elbəy Hidayət oğlu – Bakı Hərbi Məhkəməsinin hakimi;

- Hüseynov Pərviz Aktiv oğlu – Bakı İnzibati Məhkəməsinin hakimi;

- Qasımov Fərrux Hüseynağa oğlu – Bakı Kommersiya Məhkəməsinin hakimi;

- Abdıyev Fuad Vilayət oğlu – Bakı şəhər Binəqədi rayon məhkəməsinin hakimi;

- Rüstəmli Məhəmməd Əli oğlu - Bakı şəhər Binəqədi rayon məhkəməsinin hakimi;

- Bəhramzadə Sabiq Xanlar oğlu - Bakı şəhər Xəzər rayon məhkəməsinin hakimi;

- Musayeva Cəmilə Ceyhun qızı - Bakı şəhər Nəsimi rayon məhkəməsinin hakimi;

- Səmədov Rəşid Əfraim oğlu- Bakı şəhər Nəsimi rayon məhkəməsinin hakimi;

- İbrahimov Anar Firdovsi oğlu - Bakı şəhər Suraxanı rayon məhkəməsinin hakimi;

- Axundova Günay Təyar qızı - Bakı şəhər Yasamal rayon məhkəməsinin hakimi;

- Əyyubov Fərid İlham oğlu - Bakı şəhər Yasamal rayon məhkəməsinin hakimi.

Vəzifələrinin dəyişdirilməsi ilə əlaqədar aşağıdakı hakimlər Bakı Apellyasiya Məhkəməsi hakimləri vəzifəsindən azad ediləcəklər:

- Kərimli İlham Əziz oğlu

- Qasımov Faiq Adil oğlu

- Məhərrəmova Şeyda Ədalət qızı.

“Gəncə Apellyasiya Məhkəməsi hakimlərinin təyin edilməsi haqqında” layihəyə görə,

Şirvan Apellyasiya Məhkəməsinin hakimi Rafiq Musa oğlu Cəfərovun həmin məhkəmənin vəzifəsindən azad edilərək Gəncə Apellyasiya Məhkəməsinin hakimi təyin ediləcək. Gəncə Ağır Cinayətlər Məhkəməsinin hakimi Nural Turab oğlu Əliyevin vəzifəsinin dəyişdirilməsi ilə əlaqədar Gəncə Apellyasiya Məhkəməsinin hakimi təyin ediləcək.

“Sumqayıt Apellyasiya Məhkəməsi hakimlərinin təyin və azad edilməsi haqqında” layihəyə əsasən, Şəki Apelyasiya Məhkəməsinin hakimi Ayaz Akif oğlu Mahmudovun həmin məhkəmənin hakimi vəzifəsindən azad edilərək Sumqayıt Apellyasiya Məhkəməsinin hakimi təyin ediləcək. Aşağıdakı hakimlər vəzifələrinin dəyişdirilməsi ilə əlaqədar Sumqayıt Apellyasiya Məhkəməsinin hakimləri təyin olunacaqlar:

- Rəhimli Lalə Elxan qızı – Bakı şəhər Xətai rayon məhkəməsinin hakimi;

- Cabbarova Gülnar İnqilab qızı - Bakı şəhər Qaradağ rayon məhkəməsinin hakimi;

- İsmayılov Azər İbrahim oğlu - Sumqayıt şəhər məhkəməsinin hakimi;

- Süleymanova Almaz Məhərrəm qızı - Sumqayıt şəhər məhkəməsinin hakimi;

Vəzifələrinin dəyişdirilməsi ilə əlaqədar aşağıdakı hakimlər Sumqayıt Apellyasiya Məhkəməsinin hakimləri vəzifəsindən azad ediləcəklər:

- Quliyev Telman Osman oğlu (Mülki Kollegiyanın sədri);

- Tağızadə Gülnarə Fikrət qızı.

“Şəki Apellyasiya Məhkəməsi hakimlərinin təyin və azad edilməsi haqqında” layihəyə əsasən, aşağıdakı hakimlər vəzifələrinin dəyişdirilməsi ilə əlaqədar Şəki Apellyasiya Məhkəməsinin hakimləri təyin ediləcəklər:

- Səmədov Xaqani Hacı oğlu – Gəncə Ağır Cinayətlər Məhkəməsinin hakimi;

- Mehdiyev Elçin Məhəmməd oğlu – Şəki rayon Məhkəməsinin hakimi

Həmçinin, layihəyə görə, Gündüz Qasım oğlu Abbasov vəzifəsinin dəyişdirilməsi ilə əlaqədar Şəki Apellyasiya Məhkəməsinin hakimi vəzifəsindən azad ediləcək.

“Şirvan Apellyasiya Məhkəməsi hakimlərinin təyin və azad edilməsi haqqında” layihəyə görə, Gəncə Apellyasiya Məhkəməsinin hakimi Elçin İsgəndər oğlu Xasmməmmədov həmin məhkəmənin hakimi vəzifəsindən azad edilərək Şirvan Apellyasiya Məhkəməsinin hakimi təyin ediləcək.

Aşağıdakı hakimlər vəzifələrinin dəyişdirilməsi ilə əlaqədar Şirvan Apellyasiya Məhkəməsinin hakimləri təyin ediləcəklər:

- Həsənov Samir Firdusi oğlu – Şirvan İnzibati Məhkəməsinin hakimi;

- Əhmədov Pərviz Tərlan oğlu – Biləsuvar rayon Məhkəməsinin hakimi;

- İmanov Cahid Fehruz oğlu – Şəki Rayon Məhkəməsinin hakimi;

Həmçinin, layihəyə əsasən, vəzifələrinin dəyişdirilməsi ilə əlaqədar aşağıdakı hakimlərin Şirvan Apellyasiya Məhkəməsinin hakimləri vəzifəsindən azad ediləcəklər:

- Mirzəyev Nüsrət Fətulla oğlu

- Zeynalov Zeynal Ağabala oğlu.

Layihələr səsə qoyularaq bir oxunuşda qəbul edilib.