"Mən bağda qalıram, ona görə də zəlzələni hiss etmədim".
Bu fikirləri News24.az-a açıqlamasında Milli Məclisin deputat Rüfət Quliyev ötən gecə baş vermiş zəlzələ ilə bağlı fikirlərini bölüşərkən deyib. Deputat bildirib ki, zəlzələ ilə bağlı məlumatı sabah saatlarında öyrənib:
"Hər gün səhər saat 6-da rus, ingilis və Azərbaycan dillərində xəbərlərə baxıram və ötən gecə baş vermiş məlumatı da səhər xəbərlərindən bildim. Sonra dərhal sübh tezdən qohumlarına zəng vurdum. Elələri var idi ki, hadisədən qorxmuşdular və qohum-tanış evlərinə getmişdilər. Ekspertlər deyirlər ki, Bakıda elə də şiddətli zəlzələ gözlənilmir.
Qeyd etmək istəyirəm ki, evlərin və binaların tikintisi ilə əlaqədar dövlət tərəfindən kifayət qədər sənədlər qəbul olunub. Hansı ki, ən azı 7,5-8 ballıq zəlzələyə dözümlülük nəzərdə tutulub. Ona görə belə təşvişə düşməyə ehtiyac yoxdur".
