İspaniya La Liqasında 10-cu turun oyunları keçirilir.
SÜLH.İNFO.az xəbər verir ki, turun mərkəzi görüşü bu gün “Kamp Nou” stadionunda baş tutacaq.
Burada “Barselona” doğma azarkeşləri önündə “Real”ı qəbul edəcək.
“El-Klasiko” Bakı vaxtı ilə saat 18:15-də başlayacaq.
Qeyd edək ki, indiyədək bütün rəsmi turnirlərdə baş tutan 246 “El-Klasiko”nun 98-də qonaqlar, 96-da isə paytaxt təmsilçisi qələbə qazanıb. 52 görüşdə isə qalib müəyyənləşməyib.
***
Oyun başa çatıb...
Tarixin 247-ci “El Klasiko”su “Nou Kamp”da baş tutub. Qarşılaşmanı “Real” aktivinə yazıb. Əvvəlcə David Alaba 32-ci dəqiqədə hesabı açıb. 90+4-cü dəqiqədə isə Lukas Vaskes fərqi artırıb. Serxio Aqueorunun 90+7-ci dəqiqədəki qolu isə təsəlli topu olub. Səfərdə əzəli rəqibini 2:1 hesabı ilə üstələyən “kral klubu” “El Klasiko”larda ümumi qələbə sayını 99-a çatdırıb.
Bununla da aktivindəki xalların sayını 20-yə çatdıran Karlo Ançelottinin yetirmələri turnir cədvəlində liderliyə yüksəlib. “Barselona” isə 15 xalla 8-ci yerdə qərarlaşıb.
