Bakı-Sumqayıt yolunun Xırdalandan keçən hissəsində 1 nəfər kişi intihara cəhd edir.
Sulh.info.az xəbər verir ki, bu barədə məlumat BAKU.WS-in "qaynar xətti"nə daxil olub.
Bildirilib ki, hadisə Bakı-Sumqayıt yolunda, Xırdalan qəbiristanlığının qarşısındakı yerüstü piyada keçidində qeydə alınıb.
Məlumata görə, hazırda ərazidə Fövqəladə Hallar Nazirliyinin xilasediciləri tərəfindən çadırlar qurulub.
Yolda isə uzun tıxac yaranıb.
Bu barədə FHN-in mətbuat xidmətindən BAKU.WS-ə daxil olan məlumata görə, yerüstü piyada keçidinin üzərinə çıxaraq intihara cəhd edən şəxslə bağlı əraziyə dərhal Xüsusi Riskli Xilasetmə Xidmətinin müvafiq xilasetmə qüvvələri cəlb olunub. Xilasetmə əməliyyatı davam edir.
Əlavə məlumat veriləcək.
