İranın Zahidan, Əhvaz, Kirman, Kəhnuc və Qəzvin şəhərlərinin həbsxanalarında daha 10 məhkum edam edilib.
Bu barədə İran İnsan Haqları Təşkilatı məlumat yayıb.
Edam edilənlərin biri adam öldürməkdə, doqquzu isə narkotik maddələrin alverində təqsirli bilinir.
Qeyd edək ki, iyul ayı ərzində İran həbsxanalarında 4-ü qadın və 4-ü Əfqanıstan vətəndaşı olmaqla, ümumilikdə 61 nəfər edam edilib.
Cari ilin 7 ayı ərzində isə İranda ümumilikdə 423 nəfər ölüm cəzasına məhkum olunub.
