İcra başçılarının fəaliyyəti hər zaman cəmiyyətin diqqətində olub.
Onların gördükləri işlərlə yanaşı, gündəlik yaşamları, o cümlədən avtomobilləri də diqqət mərkəzində olub.
Cebhe.info icra başçılarına dövlət tərəfindən təsis edilən xidməti avtomobillərin hansı model olduğunu araşdırıb.
Siyahını təqdim edirik:
*Abşeron rayon İcra Hakimiyyətinin başçısı Abdin Fərzəliyevin xidməti avtomobili “BMV 730” modeldir.
*Şamaxının icra başçısı Tahir Məmmədovun xidməti avtomobili “Lexus LS400” modeldir.
*Laçın rayon İcra Hakimiyyətinin başçısı Aqil Nəzərli üçün verilən xidməti avtomobil isə “NİSSAN Sentra”dır.
*Qazax rayonunda isə icra başçısı Rəcəb Babaşova “Toyota Camry” model xidməti avtomobil verilib.
*Beyləqan rayonunun icra başçısı Əzizağa Ağayevin və Qubadlı rayon İcra Hakimiyyətinin başçısı Malik İsaqovun da xidməti avtomobili “NİSSAN TEANA” modelidir.
*Şəkinin icra başçısı Elxan Usubovun xidməti avtomobili üçüncü seriya “BMV”dir.
*Gəncə şəhər İcra Hakimiyyətinin başçısı Niyazi Bayramovun xidməti avtomobili “Toyota Land Cruiser”dir.
*Masallının icra başçısı Araz Əhmədovun isə xidməti avtomobili “Toyota Camry”dir.
*Zəngilan rayon İcra Hakimiyyətinin başçısı Ramiz Həsənov, Ağstafa rayon İcra Hakimiyyətinin başçısı Seymur Orucov və Ağdam rayon İcra Hakimiyyəti başçısı Vaqif Həsənovun isə xidməti avtomobili “NİSSAN Sentra”dır.
*Şuşa rayon İcra Hakimiyyətinin başçısı Bayram Səfərov isə həmkarlarından daha fərqli xidməti avtomobilə sahibdir. B.Səfərov sedan tipli “Lincoln” model avtomobildə gəzir.
*Sumqayıt şəhər İcra Hakimiyyətinin başçısı Zakir Fərəcovun isə xidməti avtomobili “BMV 730Li”dir.
*Kürdəmir rayon İcra Hakimiyyətinin başçısı Elxan İbrahimov, Xaçmaz rayon İcra Hakimiyyətini başçısı Elnur Rzayev və İmişli rayon İcra Hakimiyyətinin başçısı Elçin Rzayevə isə “BMV 740Li” model xidməti avtomobil verilib.
Qeyd edək ki, icra başçıları işdən çıxarılanda, xidməti avtomobillərini də təhvil verirlər.
İcra başçılarının avtomobilləri: Kim hansı maşında gəzir? – SİYAHI
