Moskvanın Savyolovski Məhkəməsi “Nə? Harada? Nə vaxt?” televiziya şousunun keçmiş oyunçusu Rövşən Əsgərovu yenidən cərimələyib.
Bu barədə TASS məlumat yayıb.
Qeyd olunub ki, xarici agent fəaliyyəti haqqında qaydaları pozduğuna görə Rövşən Əsgərov 40 min rubl məbləğində inzibati cərimə cəzasına məhkum edilib.
Xatırladaq ki, bundan əvvəl rusiyalı müstəntiqlər sosial şəbəkələrdəki paylaşımına görə Rövşən Əsgərova qarşı cinayət işi açıb. O, aprelin 6-da feysbuk sosial şəbəkəsində Sovet İttifaqının marşalı Georgi Jukovun xatirəsini təhqir edən və nüfuzdan salan məlumat yayıb. Hazırda R.Əsgərov federal axtarışdadır.
