“Deyirəm, bacı, sənə qurban olum, efirdə elə mahnı oxuduğumu görmüsənmi?”
Sulh.info.az Yenicag.az-a istinadən xəbər verir ki, bu sözləri müğənni, əməkdar artist Nigar Şabanova “Gül kimi şou”da deyib.
Sənətçi getdiyi toy və digər məclislərdə hər mahnının oxumadığını deyib və bunun səbəblərini açıqlayıb:
“Elə tərz mahnılar var, mən o mahnıları oxumuram. Mən də istəyərəm, ayıma məsələn, 10 min yox, 40 min qazanım. Amma illərlə qazandığım əziyyəti pula görə yerə vura bilmirəm.
Mənə də sifariş verirlər, amma o mahnıları toyda oxumuram. Bəzən elə mahnı istəyirlər, o mahnının adı belə biabırçılıqdır. Deyirəm, bacı, sənə qurban olum, efirdə elə mahnı oxuduğumu görmüsənmi? Deyir, yox.
Məni o mahnıları oxumadığım üçün “bizim də qulağımız o mahnılardan təmizlənsin” deyə ev yiyəsi toyuna, məclisinə çağırır. Məni o cür cılız ifa ilə efirlərdə görməmisənsə, demək ki mən də burada onu oxumayacağam”.
