Ukrayna prezident aparatının rəhbərinin ştatdankənar müşaviri və Üçtərəfli Əlaqə Qrupunda Ukrayna nümayəndə heyətinin sözçüsü Oleksey Aretoviç bildirib ki, Ukrayna raket proqramı üzərində işləyir və onun raketləri Moskvaya çata biləcək. Onun sözlərinə görə, bunlar Rusiyanın təcavüzünə cavab olaraq paritet hərəkətlərdir.
SÜLH.İNFO.az xəbər verir ki, bu barədə Aretoviç "Dom” telekanalına müsahibə verib.
"Putin işi ora aparır ki, Ukrayna raketləri yaxın gələcəkdə Moskvaya yönəlsin, çünki biz raket proqramı üzərində işləyirik. Bizim operativ-taktiki səviyyəli raketlərimiz isə Moskvaya çata biləcək”, - deyə o, Rusiya liderinin NATO-nun təlim mərkəzləri adı altında Ukraynada raketlər yerləşdirə biləcəyi ilə bağlı qorxularını şərh edib.
Arestoviç əlavə edib ki, Kreml Ukraynanı NATO-ya üzvlük təşəbbüsü göstərməyə məcbur edib. Onun sözlərinə görə, əvvəllər ölkədə bu məsələ ilə bağlı uzun müzakirələr gedirdi, çünki 2014-cü ilə qədər hərbi təhlükə yox idi. Müşavir bildirib ki, Kreml "bu müzakirəni aradan qaldırdı və NATO-nun çox qorxduqları Rusiya sərhədlərinə yaxınlaşmasına səbəb oldu”.
O vurğulayıb ki, NATO qoşunları təlim missiyaları çərçivəsində artıq Ukrayna ərazisindədir, bu il 25 təlimin keçirilməsi planlaşdırılır. "Və NATO uzun müddətdir ki, Ukrayna ərazisində mövcuddur", - Aretoviç bildirib.
O, Rusiya ilə münasibətlərin normallaşması üçün şərtləri də açıqlayıb: Donbass və Krımdan qoşunların çıxarılması, Ukraynaya təzminat ödənilməsi. Onun fikrincə, bu, Rusiya Federasiyası üçün ən yaxşı çıxış yoludur.
Bundan əvvəl Arestoviç bildirib ki, Ukraynaya hücum olarsa, Rusiyanın sonu qaçılmaz olaraq.
Onun sözlərinə görə: "Ukraynaya istənilən genişmiqyaslı hücum Rusiya ordusunun və Rusiya Federasiyasının sonu olacaq”. Aretoviçin sözlərinə görə, Rusiya hərbçiləri bunu çox yaxşı başa düşürlər.
Siyasətçi deyib ki, Moskvanın Kiyevi "Rusiyanın istəklərinə uyğun hərəkət etməyə" məcbur etmək üçün hücum və genişlənmə ilə qorxu gəlməsi də sadəcə "blef"dir.
