İşğaldan azad edilən ərazilərdə yeni milli parklar yaradılacaq. Artıq bu parkların yerləri müəyyənləşib.
SÜLH.İNFO xəbər verir ki, bunu Trend-ə açıqlamasında ekologiya və təbii sərvətlər nazirinin müavini Vüqar Kərimov deyib.
Nazir müavini bildirib ki, bununla bağlı nazirliyin xüsusi layihəsi var:
"Layihənin reallaşdırılması üzrə artıq aidiyyəti qurumlara təkliflər verilib. Təkliflərə cavab veriləndən sonra bu istiqamətdə işlərə başlanılacaq".
V.Kərimov qeyd edib ki, yeni milli parkların ərazisi də müəyyən edilib:
"Bunlar 20 min hektar Laçın rayonu, 20 min hektar Qubadlı rayonu, 107 hektar Bəsitçay qoruğu ərazisi, 2000 hektar Daşaltı dövlət təbiət qoruğu və Arazboyu təbiət yasaqlığının əraziləridir".
