Bakıda “Belçikaya komikslərlə səyahət” adlı sərgi açılıb.
Sərgi Milli İncəsənət Muzeyinin və Belçikanın Azərbaycandakı səfirliyinin birgə təşkilatçılığı ilə keçirilir.
“Sərgi Azərbaycan və Belçika arasında ikitərəfli münasibətlərin 30-cu ildönümünə həsr olunub. Ümid edirik və inanırıq ki, incəsənət vasitəsilə əməkdaşlığımızı daha da möhkəmləndirə biləcəyik", - Belçikanın Azərbaycandakı səfiri Mişel Pitermans açılış mərasimində deyib.
Komikslər "9-cu incəsənət" hesab olunur. Bu janrda trend yaradan mövqe Belçikaya məxsusdur. Brüsseldə komikslərə həsr olunmuş muzeylər, komiksləri əldə edə biləcəyiniz çoxlu butiklər və mağazalar fəaliyyət göstərir.
İllüstratorlar Olivye Şrauven, Hak Limans, Jan-Klod Serve, Jeff Neeys, Brext Evens, Didye Komes, Frankenin əsərləri sayəsində sərgi iştirakçıları Belçikanın şəhərləri və görməli yerləri, həmçinin ölkənin mədəni ənənələri ilə tanış olacaqlar.
