Azərbaycan Rəqəmsal İnkişaf və Nəqliyyat naziri Rəşad Nəbiyev "Azərbaycan Yerüstü Nəqliyyat Agentliyi” publik hüquqi şəxsə sədr əvəzi təyin edib.
SÜLH.İNFO.az Qaynarinfo-nun əldə etdiyi məlumata görə, Rəşad Nəbiyevin müvafiq əmri ilə bu vəzifəyə Anar Rzayev təyin olunub.
Qeyd edək ki, Anar Rzayev bu ilin avqust ayında Dövlət Avtomobil Nəqliyyatı Xidmətinin rəisi Həbib Həsənovun müavini təyin olunmuşdu.
Xatıradaq ki, ölkə başçısının 1 oktyabr 2021-ci il tarixli Fərmanına əsasən, Azərbaycan Rəqəmsal İnkişaf və Nəqliyyat Nazirliyinin tabeliyində "Azərbaycan Yerüstü Nəqliyyat Agentliyi” publik hüquqi şəxs yaradılıb.
Agentlik Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin, Dövlət Avtomobil Nəqliyyatı Xidmətinin tabeliyində "Nəqliyyat-Servis”, "1 nömrəli Bakı Avtonəqliyyat Müəssisəsi”, "2 nömrəli Bakı Avtonəqliyyat Müəssisəsi”, "3 nömrəli Bakı Avtonəqliyyat Müəssisəsi”, "1 saylı Gəncə Regional Nəqliyyat”, "2 saylı Quba Regional Nəqliyyat”, "3 saylı Şirvan Regional Nəqliyyat”, "4 saylı Lənkəran Regional Nəqliyyat”, "5 saylı Yevlax Regional Nəqliyyat”, "6 saylı Şəki Regional Nəqliyyat”, "7 saylı Göyçay Regional Nəqliyyat”, "8 saylı Sumqayıt Regional Nəqliyyat”, "9 saylı Ucar Regional Nəqliyyat”, "10 saylı Şəmkir Regional Nəqliyyat”, "11 saylı Tovuz Regional Nəqliyyat”, "12 saylı Beyləqan Regional Nəqliyyat”, "13 saylı Cəlilabad Regional Nəqliyyat”, "14 saylı Şamaxı Regional Nəqliyyat”, "15 saylı Mingəçevir Regional Nəqliyyat” məhdud məsuliyyətli cəmiyyətlərinin, Nəqliyyat, Rabitə və Yüksək Texnologiyalar Nazirliyinin tabeliyində "Avtomobil Nəqliyyatı ilə Daşımaların Təşkili” və "Nəqliyyat Təlim-Tədris Mərkəzi” məhdud məsuliyyətli cəmiyyətlərinin, Sumqayıt Şəhər İcra Hakimiyyətinin başçısı yanında Sumqayıt Avtomobil Nəqliyyatı ilə Sərnişindaşıma İdarəsinin və Gəncə Şəhər İcra Hakimiyyətinin başçısı yanında Gəncə Avtomobil Nəqliyyatı ilə Sərnişindaşıma İdarəsinin əsasında yaradılıb.
