Moskvada metro qatarları toqquşub.
Hadisə Moskva metropoliteninin "Peçatniki" stansiyasında baş verib.
İki qatarın toqquşması nəticəsində maşinist yaralanıb. Sərnişinlər arasında yaralıların olduğu da deyilir.
Moskvanın Nəqliyyat Departamentindən verilən məlumata görə, “Lyublino” stansiyasından “Dubrovka” stansiyasına qatarların hərəkəti dayandırılıb. Hazırda “Mosmetro”nun bütün xidmətləri ərazidə nəqliyyatın hərəkətini bərpa etmək üçün çalışır.
Qəzanın səbəbləri araşdırılır.
